Sudut herba.....

Ni gambar serai yang di belakang lib tu utk kamurang tinguk manatau lapas ni berabut kamurang

Sia tau ramai kamurang yang tau pokok serai, banyak khasiatnya bukan bikin makan saja malahan untuk mandi wap, tapi sapi sama nyamuk tida suka sebab dia punya bau, busuk mangkali diurang bilang. ni nak bagitau apa yang diorang paksa sia kasi masuk sini blog pasal ni serailah. Sia dapat ni resepi dari si Tat@ Rosni yang dia dapat dari si Nar @ Nariley sana....atas yang sia tida tau dia waris dari siapa ni petua kunun-kununlah. Dia bilang untuk melegakan sesak nafas(Ampus bule kah ah?) kamurang ambil ni bahan-bahan:-
1. 12 batang serai
2. Gula batu besar ibujari(sikit juga!!)
caranya:- Kamurang rebus dengan 4 gelas air sampai tinggal sanggalas urang dusun bilanglah lapas tu kamurang minum ketika suam-suam pasti mujarab.
p/s Jan cari sia kalau kamurang masuk ospital(siapa suruh tidak sasak nafas pun kamurang gasak juga) ah sia bakongsi saja ni.